Сенки

 

1

Само уште една чаша

   само уште еден миг

само уште …

 

Додека игра сенката

   додека дише темнината

додека сум надвор од кожава

 

      леј или линеј

      ти или тој

сам или со себе

2

 

Кога те допирам,

   возрасниот јас

го прекорува јас-детето

 

Внатре некаде

     во митохондриите

заигрува сенката.

Надувана од кавгата

   расте и станува целиот јас

      угушувајки ги сите други јас

 

Ги дави во алкохолни пареи

   и се се затемнува
      Само уште една чаша

      само уште еден миг

      само уште …

Додека игра сенката

      додека дише темнината

додека сум надвор од кожава

 

И потоа е утро

  телото е скршено,

     духот е мртов

        боли секој здив

           од сенката ни трага

само скршеното јас.

 

 

3

 

Зад затворрени врати

  со ново наместени брави

    во затеменети соби

Се среќавам со проекции на

  на твојата сенка додека надвор

    врне злато и здивот е отров

      а утрата се со сонце кое каса

 

Најмила ти не си крива за она кое сум

    Нити јас за она кое си

            Но и двајцат се ништиме заради она

               кое неможеме да сме
Сенки кои играат