Јас и ти
Јас не сум ехо
Туку глас
Не сум само тело
И дух не сум сам
Јас сум и топлина
А не само мраз
И вода и воздух
Оган и земја
Бог и огледало
За сите вас.
И трепет и шило
За лага и вистина
И сликар и слика
Се што ќе биде
Или веќе било.
Тага ил радост
Цел век и младост
И свест и сон
Пропаст и плод
И нов спас со потоп.
Јас сум сето тоа
Како тебе ист
Ти си врева и тишина
И мисла си
Како светлина брза
И волк и инстинкт
И меч сме и крст
И рожба и смрт.
Comments
Post a Comment