Сом

Си велиш дека од жега,

се тетеравиш како болно куче.

Трепет во секој мускул.

Еднолиниско постоење,

во одумен простор

и хорови од штурци и цикади.

Знаеш, тебе никогаш не те плашел

студот надвор , ниту оној во планините.

Те плашеле ладни души и ненасмеани очи.

Те плашеле жеги и пожари во срцата,

а не оние кои го печат песокот 

и ти ги горат стапалата.

И мислата ти лелеави меѓу убавината во постоењето 

и постоењето во убавина,

и години минати далеку од мирот.

Збрцан како сом во тињата која 

ти сам ја креваш и вознемируваш

за да останеш невидлив за светот

кој крај тебе минува.

Разбуди се Улисе , ден е,

O heart how long do you mean to be contempt.